2014年3月4日星期二

紅燒牛肉麵

今次去台灣又去左好耐冇去的永康街食牛肉麵,
但其實我又唔覺得話特別好食0既~只不過都咁耐冇去過,佢又開左個捷運站咁近,咪去下囉!

我地係去"永康牛肉麵",呢個係旅行書地點,即係大部份都係遊客...連價錢都係FOR旅客,就是不便宜啦! 所以我決定返HK要自己整~

早在去台灣前已打算整~返到HK就第一時間挑戰!

哎呀~很容易嘛!! 只係時間要花多一點點~ 如果有真空煲就更簡單! 我爸媽更大讚,不用去台灣吃了~

我老公本身就唔食牛,佢只飲左一啖湯就話"好牛呀!" 之後就零接觸。

如果你鐘意台灣牛肉麵,超推薦這個啊!!湯底濃,牛肉多林~正啊~















食譜在此: http://mitongwu.com/2008/07/09/%e7%b4%85%e7%87%92%e7%89%9b%e8%82%89%e9%ba%b5/

我冇落沙茶醬啊,就是不知為什麼要用就找不到~

另外我家剛好冇米酒...我就用日本料理酒代替!一樣的好吃~~~~


我的FACEBOOK PAGE, 更方便大家交流啊!

https://www.facebook.com/pages/Kennies-%E3%81%AE%E6%96%99%E7%90%86/146051262123076

2014年2月28日星期五

終於完成!係時候返來啦~

已經唔知幾多日冇打BLOG~因為冇時間理....

我終於完成婚禮了!體會到船到橋頭自然直0既道理~

婚禮順利完成,HONEY MOON亦都完成! 好好迎接新生活啦!

希望我會努力打BLOG,同大家分享更多食譜啦~

又唔講住啦,係時候煮飯~HAHAHA!

2013年10月9日星期三

回來了...煩透了...

咁耐都冇0黎,似係半放棄打BLOG...

其實我俾一班人搞到我煩到死~

仲有3個月左右就結婚, 一啲唔識又要扮識0既人學俾意見,我唔聽又唔得,唔做更加唔得!真係玩死我同吳生!!!

男家某親戚話說為左我地先去讀左大妗COURSE...我地都好多謝佢地咁幫我地~

但佢讀完就好多好令人模不著頭佬0既野要我地做...

加上未來99 咩都唔識...聽完佢講更覺得要做啦......

1.BOOK車一定要雙數!
2.唔止要食湯圓,仲要食出前一丁!
3.新娘落車上車都有分左腳定右腳先!
4.花車只可坐新娘新郎同大妗,伴娘伴郎行開!
5.伴娘伴郎跟住坐主家席!
6.安床後,結婚前都唔可以訓之餘,連間房都唔可以入,仲要長開支燈仔 (喂!我覺得成件事搞到好似回魂咁囉!)


仲有好多野...我唔知之後仲有冇更多! 可能有部份係對的~但我地只係想簡單D!!!!!

我地就快癲啦~根本以前都冇車,冇出前一丁,冇燈0架啦!!!! 邊個諗埋D咁0既野呀!!!!

我究竟可以點做?

我每次去親食飯,一聽到未來99 話"阿邊個話要咁咁咁...." 我真係好想走......

2013年9月13日星期五

HELP....

搬左0黎...但冇意欲去寫...

因為我仲未清楚點用呀!!> < 真係救命!!

你地係咪仲有0黎探下我個BLOG呀?

因為我冇0係YAHOO到同人地講我搬左0黎呢到...

次次入親0黎,都總係覺得冷冰冰孤零零...

加上呢排好忙...皆因我媽去左旅行,我就日日要買送,諗埋兩位大爺0既早午晚....好累啊!!!

你地有冇整月餅呀? 我忙0既其中一件事就係整月餅~

早前咪去學完望月奶皇月餅0既~終於有時間去試下我0既新歡整唔整到!

第一批試左冇問題0架! 以為有信心啦~點知第二批諗住整多D 0既時候,自己D饀未蒸得夠...結果個樣好樣衰,食得但個樣唔得!!

第三次!!!吸取左教訓~一口氣整29個! 算成功啦~~~俾左阿爸拎返工請同事食




 
 
 
但我掃蛋水0既技巧仲係未得...有冇人知有咩技巧呀???

2013年9月3日星期二

搬家了

YAHOO BLOG 要結束~

大家都要搬家,真係好麻煩!

但大家看來都搬左0黎呢到~咁我當然跟大隊啦!

希望可以繼續見到你地~同你地SHARE啦!